Xomidov Avazbеk Odilovich

PhD, Kafedra mudiri

Tel. (+998-71) 237-19-26

E-mail: a.xomidov@tiiame.uz

“Ekologiya va suv resurslarini boshqarish” kafedrasi tarixi 1953 yilda tashkil etilgan "Qishloq va yaylovlar suv taʼminoti" bilan bogʻliq. Kafedraning birinchi mudiri davlat mukofoti lauriyati dotsent А.N. Lyapin edi. Kafedraga 1956-1958 va 1960-1970 yillar davomida dotsent P.P Аmanatskiy, 1976-1980 yillar davomida dotsent G. G. Podgornov, 1980-1983 yillar davomida dotsent V.А. Demin va 1983-1988 yillar davomida dotsent I. M. Maxmudova mudirlik qilganlar. Turli yillar davomida kafedrada dotsentlar А. А. Isaev, S. S. Xojaev, katta oʻqituvchilar R. M.Muhiddinova, D.Yu. Djumaev, assitentlar S.K. Malisheva va S. B. Mechetner mehnat qilganlar. "Suv resurslaridan mukammal foydalanish va muhofaza qilish" kafedrasi 1979 yilning sentyabrida "Gidrogeologiya" kafedrasidan ajralib chiqdi va uning birinchi mudiri geologiya -mineralogiya fanlari doktori, professor Mirzaev S. Sh boʻldi. Kafedrada dotsentlar S.А. Murakaeva, R. N. Muxitdinova, katta oʻqituvchilar S. А. Аnorboev va T. А. Аzimovlar mehnat qilishdi. Gidromelioratsiya fakulʼteti tarkibida 1989 yili "Suv resurslaridan mukammal foydalanish va muhofaza qilish" hamda "Qishloq xoʻjalik suv taʼminoti" kafedralarini birlashtirilishi asosida Oʻzbekiston Respublikasi xizmat koʻrsatgan fan arbobi, professor Sayidraxmon Shoabdievich Mirzaev raxbarligida "Suv resurslaridan mukammal foydalanish va qishloq xoʻjaligi suv taʼminoti" nomi bilan tashkil qilingan. Respublikamiz xalq xoʻjaligining barcha tarmoqlarida shu jumladan oliy taʼlim tizimida izchil islohotlar olib borilayotgan sharoitda, Oʻzbekiston Respublikasining "Taʼlim toʻgʻrisida"gi qonuni va "Kadrlar tayyorlash milliy dasturi" vazifalaridan kelib chiqib, institutda suv va qishloq xoʻjaligi uchun ekolog mutaxassislar tayyorlashni tashkil qilinishi munosabati bilan 2000 yili 1- sentyabrdan kafedraning nomi "Ekologiya va suv resurslari" deb oʻzgartirildi. Turli yillarda kafedrada professor K.G. Gʻaniev, dotsentlar А.Аzimov, А.X.Karimov, O.Y. Jalilova, assistentlar А.А. Baraev, Z. Joʻraev, J. Murotov, I.Аbdullaev va boshqalar mehnat qilganlar. Oʻzbekiston respublikasi Vazirlar Mahkamasining 2004 yil 3 sentyabrdagi 415- sonli «Toshkent irrigatsiya va melioratsiya instituti» ni tashkil etish toʻgʻrisidagi qarori, kun tartibiga qoʻyilgan yangi vazifalar va xalqaro integratsiya talablaridan kelib chiqqan holda kafedraning nomi “Ekologiya va suv resurslarini boshqarish” deb oʻzgartirildi. Ushbu kafedrada uzoq yillar kafedra asoschisi Oʻzbekistonda xizmat koʻrsatgan fan arbobi professor, g.m.f.d. Mirzaev Sayidraxmon Shoabdievich raxbarlik qilgan, ulardan keyin shogirdlari professor, t.f.d Saloxiddinov Аbdulxakim Temirxoʻjaevich, va 2019 yildan 2021 yilgacha texnika fanlari nomzodi, dotsent Karimov А.X. rahbarlik qilgan. Hozirgi kunda kafedra mudiri boʻlib PhD Xomidov A.O. faoliyat koʻrsatmoqda. Kafedra Ekologiya va huquq fakultetida eng ilmiy salohiyati yuqori boʻlgan kafedra hisoblanadi. Chunonchi, kafedrada 4 nafar professor, shulardan prof. Abdullaev B.D., prof. b.f.d. Karimov B.K., prof. b.f.d. Ismoilxodjaev B.Sh., prof. Radkevich M.V. faoliyat koʻrsatmoqda. Shu bilan birgalikda bir nafar xorijiy mutaxasis pedagog Pinar Omur-Ozbek, 8 nafar dotsent, 3 nafar katta oʻqituvchi, 5 nafar assistent va 1 nafar stajyor oʻqituvchi mehnat qilmoqda. Yuqori malakali mutaxassislarni tayyorlashda xalqaro tajribaga yega PhD Ziganshina D.R., PhD Boboev X.O., katta xissa qoʻshib kelmoqdalar. Bugungi kunda bakalavriaturaning 60812900-Suv taminoti muxandislik tizimlari, 60710400- Ekologiya va atrof muhit muhofazasi (suv xoʻjaligida) va 60420100-Yuristpredensiya (transchegaraviy suv munosabatlari) taʼlim yoʻnalishlari hamda magistraturaning 70812308-Suv resurslarini mukammal foydalanish va boshqarish, 70710401-Atrof muhit muhofazasi (qishloq va suv xoʻjaligida), 70710406-Chiqindilarni boshqarish mutaxassisliklari boʻyicha magistrantlar tahsil olmoqda. Kafedra yuqori ilmiy salohiyatga ega boʻlib, mavjud professor-oʻqituvchilaridan 9 nafari xorijiy mamlakatlarda oʻzlarini oʻqituvchilik va ilmiy mahoratlarni oshirib kelganlar. Kafedrada doktorantura va mustaqil tadqiqotchilik yoʻnalishlari boʻyicha shu kungacha 13 nafar fan doktori va 28 nafar fan nomzodlari tayyorlagan.

Gidromelioratsiya fakulteti O'qitiladigan fanlar Ilmiy ishlar Tadqiqotchilar Hamkorlar Kafedra xodimlari To'garaklar Dars jadvali Aloqalar