Kafedra professor-o‘qituvchilaridan Axmedov A, Xodjibekov S va  Shermatova G. lar Iqtidorli talabalar bilan ishlash bo‘yicha ma'sul etib  tayinlangan. «Fizika va kimyo» kafedrasida  iqtidorli talabalar bilan  «Yosh kimyogar olimlar» va “Yosh fiziklar” to‘garaklarida ish olib bormoqda. «Yosh kimyogar olimlar» to‘garagida bajariladigan qiziqarli laboratoriya tajribalarini  olib borish uchun laboratoriya reaktivlari va eritmalari tayyorlandi;

“Yosh kimyogar olimlar” to‘garagi talabalari Respublika miqyosidagi konferensiyalarda ham faol ishtirok etib kelmoqdalar. Shu yilning 12-13 May kunlari O‘zbekiston Respublikasi Oliy ta’lim, fan va innovatsiyalar vazirligi, “TIQXMMI” Milliy tadqiqot universitetida o‘tkazilgan “Qishloq va suv xo‘jaligining zamonaviy muammolari” deb nomlangan XXII-yosh olimlar, magistrantlar va iqtidorli talabalarning ilmiy-amaliy anjumanida ham o‘z ilmiy ishlanmalari bilan faol ishtirok etishdi. Bundan tashqari “Yosh kimyogar olimlar” to‘garagidagi MYAMT yo‘nalishi, 3-kurs talabalari hamda, QXMSDIT 2-kurs talabalari uchun Malayziyaning “SMART ACADEMY” ilmiy amaliy o‘quv markazi seminarlari va vebinarlarida ham bevosita onlayn  ishtirok etib, dunyoning yetakchi mamlakatlarida qishloq xo‘jaligi sohasida amalga oshirilayotgan  eng so‘nggi fan va texnika yutuqlari xaqida ham nazariy, ham amaliy ma’lumotga ega bo‘lmoqdalar.

Kafedra professor o‘qituvchilari tomonidan iqtidorli talabalarga quyidagi ilmiy ishlariga yo‘naltirish berilmoqda:

• Shamol energiyasidan foydalanib elektr energiyaga aylantirish;
• Samarali issiqxona yaratish;
• Dron yaratish;
• Maxsus vazifalarni bajaradigan robot qurilmasini ishlab chiqish;
• Termogneratordan foydalanib elektr energiyasi ishlab chiqish.