Тарихи

Гидромелиорация факультети 1923 йилда Туркистон Давлат университетининг техника факультети таркибида “Мелиорация муҳандислиги” йўналиши  бўйича соҳа кадрларини тайёрлаш мақсадида ташкил этилган. Факультет ташкил этилган илк даврларда  49 нафар профессор-ўқитувчилар 274 талабаларга мелиорация муҳандислиги бўйича билим бера бошлаган. Кейинчалик ирригация ва мелиорация соҳасидаги кадрларга булган эҳтиёжни инобатга олиб  1934 йил 16 ноябрда “Гидромелиорация” ва “Қишлоқ хўжалигини механизациялаштириш” факултетларидан ташкил топган Тошкент ирригация ва қишлоқ хўжалигини механизациялаштириш инженерлари институти ташкил этилган. “Гидромелиорация” факультетининг ташкил этилиши ва Ўрта Осиё минтақасида салоҳиятли илмий марказ даражасида шакллланишида А.Н. Аскоченский, В.В. Пославский, Н.А. Янишевский, В.Ф. Булаевский, Ф.П. Моргуненков, В.Д. Журин, Е.И Замарин, Н.В.Макридин, С.Т. Алтунин, Т.Н. Қори-Ниёзий , А.Н. Гостунский, Б.Д. Коржавин, Х.А. Ахмедов, Т.А. Колпаковалар билан бир қаторда бир қанча фидойи илмий ходимлар ва етук мутахассисларнинг ҳиссалари беқиёсдир. Ушбу даврда факультетда  профессорлар В.Д. Журин, Д.М. Кац, А.Г. Останков, А.А.Рачинский, доцентлар П.В. Самострелов, И.И. Грибанов ва Б.П. Суровцевлар раҳбарлик қилганлар.

Факультет олимлари ва профессор-ўқитувчиларнинг самарали меҳнатлари натижасида мустақиллик йилларигача тайёрланган 20000 дан ортиқ инженер-гидротехник кадрларнинг 500 дан ортиғи Осиё, Африка ва Лотин Америкаси мамлакатлари фуқароларига тўғри келган. Факультет битирувчилари нафақат республикамизда  фойдаланилаётган йирик гидротехник иншоотлар ва ирригация тизимларини барпо этишда, балки Ўрта Осиё ва бошқа Куба, Ангола, Мали, Мозамбик, Вьетнам, Афғонистон, Жазоир, Сурия, Бирлашган Араб Амирликлари каби мамлакатларининг ирригация ва мелиорация объектлари қурилишида иштирок этганлар.

1991 йилдан факультетда янги тарихий давр, яъни мустақиллик даври бошланди. Ушбу даврда факультетнинг фидоий профессор-ўқитувчилари Ўзбекистонда хизмат кўрсатган фан арбоблари, А.А. Рачиниский, С. Ш. Мирзаев, Ўзбекистон хизмат кўрсатган ирригаторлар, профессор Ф.М. Рахимбаев, доцентлар Р.М. Каримов, Х. А. Аскаров Ўзбекистон хизмат кўрсатган халқ таълими ходимлари, профессор Э.Ф. Файзибоев, доцент Н.П. Тогунова, Қорақалпоғистон хизмат кўрсатган фан арбоблари, профессорлар М. Р. Бакиев, М.Х.Ҳамидов, профессорлар Е.С. Песиков, М.М. Мирсаидов, Ш.К. Муродов, А. Мирзаев, М.Х.Ҳамидов, Б.Б. Хасанов, А.М.Арифжанов, Д.Р. Бозоров, А.Т.Салоҳиддинов, доцентлар  К.Ш.Шаропов, Ғ.У. Юсупов, Ш.К Пулатов, С. Каримов, Т.Ш.Мажидов, А.О. Қурбонов, Ф.М Валижановлар тарихий анъаналарни давом эттирдилар. 

Бугунги кунда факультет таркибида фаолият кўрсатаётган “Гидравлика ва гидроинформатика» «Ирргация ва мелиорация», «Гидромелиоратив тизимларидан фойдаланиш», «Экология ва сув ресурсларини бошқариш», «Педагогика, психология ва ўқитиш методикаси», «Гидрология ва гидрогеология” «Тупроқшунослик ва деҳқончилик», «Физика ва кимё», «Жисмоний маданият ва спорт» кафедралари ва «Экогис» маркази профессор-ўқитувчилари талабалар ва магистрларга кенг кўламдаги замонавий талаблар доирасида таълим-тарбия бериб келмоқда. Охирги йилларда факультетда «Сув хўжалиги ва мелиорация», «Экология ва атроф муҳит муҳофазаси», «Гидрология» «Касб таълими: Сув хўжалиги ва мелиорация» таълим йўналишлари бўйича халқ хўжалиги тармоқлари учун мутахасислар тайёрлаб келаётган бўлса, 2017-2018 ўқув йилидан бошлаб Ўзбекистон Республика Президентининг 4 майдаги ПҚ-2954-сонли қарори асосида факультет таркибида янги, “Мелиоратив гидрогеология” таълим йўналиши бўйича кадрлар тайёрлаш йўлга қуйилди. Шу билан бир қаторда муҳтарам президентимиз Мирзиёев Шавкат Миромоновичнинг “Тошкент ииригация ва қишлоқ хўжалигини механизациялаш муҳандислари институтида олий маълумотли кадрлар тайёрлаш тизимини тубдан такомиллаштириш чора-тадбирлари тўғрисида”ги ПҚ-3702-сон қарори асосида факультетда халқ хўжалиги тармоқларининг кадрларга бўлган реал эҳтиёжларини ҳисобга олиб, 2018-2019 ўқув йилидан «Сув хўжалиги ва мелиорация», “Сув хўжалигида инновацион технологиялар ва улардан фойдаланиш”, “Дарё ва сув омборлари гидрологияси” ва “Сув таъминоти муҳандислик тизимлари” бакалавриат таълим йўналишлари бўйича кадрлар тайёрлаш йўлга қуйилди. Ушбу таълим йўналишлари бўйича бугунги кунда 1600 дан ортиқ талабалар замонавий шароитда таҳсил олмоқдалар. Шу билан бир қаторда “Мелиорация ва суғорма деҳқончилик”, “Атроф муҳит муҳофазаси”, “Гидромелиоратив тизимлардан фойдаланиш”, “Сув тежамкор суғориш технологиялари”, “Сув ресурсларидан мукаммал фойдаланиш ва бошқариш” “Сув хўжалигида экология хавфсизлиги” мутахасислиги бўйича магистрантлар тайёрлаш йўлга қуйилди. Факультет олий малакали кадралар тайёлаш борасида “Гидравлика ва муҳандислик гидрологияси” ва “Мелиорация ва суғорма деҳқончилик” ихтисосликлари ҳамда PhD ва DSc илмий даражалари бўйича илмий педагогик кадрлар тайёрлаб келмоқда. Факультетда маънавий-маърифий, тарбиявий ишлар ўқув жараёни билан биргаликда олиб борилмоқда. Факультет талабалари таҳсил олаётган 68 та гуруҳда «Устоз-мураббий» тизими асосида етакчи профессор-ўқитувчилар мураббийлик қилмоқдалар.

Ўтган давр ичида факультет ўзининг халқаро алоқаларини кенгайтириб борди. Факультет олимлари АҚШнинг USAID агентлигининг Университетларини қўллаб қувватлаш  бошқармаси хомийлигида Вашингтон штати Университети билан хамкорликда “Ўрта Осиё ва Ўзбекистонда атроф мухит мухофозаси ва сув ресурсларини бошқариш масалаларида хамкорлик” лойиҳасини амалга оширмоқдалар. Бу лойиҳа бўйича 33 та профессор ўқитувчи ўз малакасини оширди. Европа ҳамжамияти томонидан эълон қилинган танловда Бельгиянинг Льеж Университети, Россия Фанлар Академияси Океонология ва сув муаммолари институти, Украина, Германия ҳамда Болгария университетлари билан ҳамкорликда “Desertification in the Aral Sea region: a stafy of Natural and Antropogenic impacts” мавзусида илмий ишлар лойиҳаси, Германиянинг Бонн Университети билан ҳамкорликда “Хоразм вилояти суғорма деҳқончилигини реструктуризация қилиш ва экологик–мелиоратив ҳолатини тиклаш” лойиҳаси ва АҚШ Колорадо штати университети олимлари билан “ Сирдарё вилоятида биосунъий – зовур тизимларини тадбиқ қилиш” лойиҳаларини бажармоқдалар. Шунингдек факултет халқаро ҳамкорлик борасида етакчи сифатида АҚШ, Европа, МДХ ва Шарқ мамлакатлари нуфузли илмий тадқиқот институлари ва университетлари билан кенг қамровли илмий, методик, кадрлар алмашинуви йўналишларида самарали алоқа тизими йўлга қуйилган.